Нұр-Сұлтанда автобуста тегін жүруге арналған балалар картасын онлайн рәсімдеуге болады

Онлайн қызмет 7 наурыздан бастап қолжетімді болады. Ал 28 наурыздан бастап балалар автобуста тегін жүреді.

Балалардың атаулы көлік картасын transcard.kz сайты арқылы рәсімдеу керек.

Қажетті құжаттар: 

7 жастан 15 жасқа дейінгі балалар үшін 

    • Туу туралы куәлігі; 

    • Оқу орнынан анықтама; 

    • 3х4 сурет (ақ фонда); 

16 жастан 18 жасқа дейінгі балалар үшін 

    • Жеке куәлігі; 

    • Оқу орнынан анықтама; 

    • 3х4 сурет;

Сайтта көлік картасын шығару үшін төлем жасай аласыз. Құны – 400 теңге. 5 жұмыс күннің ішінде электронды поштаңызға картаның дайындығы туралы хабарлама келеді. 

Баланың атаулы көлік картасын ата-анасы Қошқарбаев көшесі, 50/1 мекенжайында орналасқан орталық кассадан ала алады. Қажетті құжаттар: ата-анасының жеке куәлігі және атаулы көлік картасы. Жеке куәлік алған жасөспірімдер өздері алады.