Мереке күндеріне қатысты қолданыстағы тәртіп қайта қаралады

Ел Президенті Қасым-Жомарт Тоқаев мереке күндеріне қатысты қолданыстағы тәртіпті қайта қарауды тапсырды. Бұл туралы ол өзінің Twitter-дегі парақшасында жазды. «Үкіметке және Президент Әкімшілігіне мереке күндеріне қатысты қолданыстағы тәртіпті қайта қарауды тапсырдым. Егер мейрам күні жексенбіге сәйкес келсе, келесі күн демалыс болып саналады. Ал келесі күн дүйсенбі болса, барлық мемлекеттік қызметшілер үшін жұмыс күні болуы тиіс»,-делінген желідегі жазбада.