Қырғыз халқы билікке саяси тұтқындарды босату туралы талап қойды

Қырғызстанда Үкіметке қарсы наразылық басылар емес. Бүгін Қырғыз полицейлері қоғамдық тәртіпті қорғау мақсатында жиналғандарға көзден жас ағызатын газ, дыбыстық гранаталар мен су атқыштарды қолдануға мәжбүр болды. Әзірге зардап шеккендер мен ұсталғандар туралы ақпарат жоқ. Айта кетйік, кешеден бері шерулетіп жатқан 2 мыңнан астам адамның басты талабы – экс-президент Құрманбек Бакиевтің бұрынғы кеңесшісі Садыр Жапаровты босату. Митингке шыққандардың дені - жастар. Еске салайық, 2017 жылы Қырғыз оппозиционері 11 жарым жылға сотталған. Оған «адамды кепілге алды», «бұзақылық жасады», «өкілетін асыра пайдаланды» деген айыптар тағылды. Жапаровтың 2013 жылғы қазанда Қарақолдағы митинге қатысқаны тағы бар.

Армангүл ТОҚТАМҰРАТ