Атырауда Жайық өзенінен алып балық ауланды

Бекіре тұқымдасына жататын аналық қорытпаның салмағы 150 келіге жуықтайды. Ұзындығы 2 метр 20 см. Бағалы балық, бекіре шабақтарын өсіретін зауыттың құрған ауына түскен. Қазір арнайы тоғанға жіберілді. Мамандар, қорытпада 25 келіден астам уылдырық барын айтады. Өңірде бекіре тұқымдас балықтарды өсіретін, екі зауыт бар. Қос кәсіпорын жылына көк айдынға 7 млнға жуық шабақ жібереді. 

Жандос ТЕМІРҒАЛИ