Отандық көліктердің бағасы арзандауда

Отандық көліктердің бағасы арзандап келеді. Мәселен, былтыр 3 миллион 200 мың тұрған су жаңа жеңіл темір тұлпарды қазір 2 миллион 800 мыңға алуға болады.

Мамандардың айтуынша Қазақстанда жасалған көліктерге сұраныс та артқан. Мысалы олардың нарықтағы үлесі қазір 60 пайыздан асады. Бүгінде елімізде жеті көлік құрастыратын зауыт бар. Олар өткен жылы 50 мыңнан астам машина жасап шығарған. Тағы екі ірі зауыттың құрылысы жүріп жатыр. Азаматтарды жаппай отандық көлікпен қамтамасызу үшін өндіруші кәсіпкерлерге мемлекет тарапынан да қолайлы жағдай жасалуда.

Аманкелді СЕЙІТХАН