Жаңалықтарды Telegram арнамыздан оқыңыз!Елімізде жыл соңына дейін қаржы нарығы тұрақтанып, жалпы ішкі өнімнің көлемі орташа есеппен 3 пайызды құрайды. Бұл туралы Ұлттық банктің төрағасы Данияр Ақышев айтты. Оның сөзінше, Ұлттық банк әлемдік қаржы нарығындағы өзгерістерді тиімді игеріп, теңгенің құнды болуы үшін оңтайлы жағдай жасамақ. Жалпы, қазір еліміздің экономикасы шикізат көзіне тәуелді. Осы себепті, әлемдік шикізат және қаржы нарығындағы кез келген өзгерістер еліміздің экономикасына әсер етеді. Оның ішінде мұнай-газ бағасының құбылуы маңызды. Себебі, ел экспортының 55 пайызы осы энергетикалық отынның үлесінде. «Сондықтан, болашақта экономиканың тірегіне айналатын басқа да салаларды дамыту маңызды», - дейді қаржыгерлер.
Нұрлан АСҚАРҰЛЫ
