Жаңалықтарды Telegram арнамыздан оқыңыз!Еліміздегі базарлар мен сауда орындарында жәндіктерге қарсы улы химикаттарды сатуға тыйым салынды. Бұл жөнінде аса қауіпті инфекцияларды эпидемиологиялық қадағалау басқармасының бас сарапшысы мәлімдеді. Яғни қауіптілігі 1-ші, 2-ші, 3-ші санатқа жататын залалсыздандыру құралдары сауда сөрелерінен жойылуы тиіс. Аталған санитарлық шара заңнамаға тиісті өзгертулер енгізілгенше дейін уақытша қабылданды. Айта өтейік, улы химикаттардың бей-берекет сатылымы мен қолданылу талаптарының сақталмауы салдарынан тек осы айдың өзінде Маңғыстау облысында 11 адам ауруханадан бірақ шықты. Ал былтыр 2 бала мен бір ересек адам қайтыс болды. Сондай-ақ таяуда Шымкент қаласының тұрғыны көз жұмды.
Ләйлә ДУЛАТҚЫЗЫ
