Павлодар облысының экс-әкімі Болат Бақауов үй қамағына шығарылды

Сотқа дейінгі бұлтартпау шарасын қайта қараған мамандандырылған тергеу соты осындай үкім шығарды. 2 ай мерзімге қамауға алу жөніндегі санкцияның өзгертілуіне Ұлттық Қауіпсіздік комитеті, тергеу департаментінің бас тергеушісінің өтініші негіз болған. Бұлтартпау шарасын үй қамағына ауыстыру еліміздің Бас прокуратурасы Қылмыстық-атқару қызметі басшысымен келісілген-деп хабарлама таратты Павлодар облыстық сотының баспасөз қызметі. Естеріңізге сала кетейік, Болат Бақауов қызметтік өкілеттігін асыра пайдаланды деген күдікпен 15-қаңтарда ұсталған болатын.

Болат АМАНБАЕВ