Шымкентте жұмыссыз жүргендерді жалған кәсіпкерлікке тіркеген қылмыстық топ ұсталды

Шымкентте жұмыссыз жүргендерді 100-ден аса жалған кәсіпкерлікке тіркеп, бөлінген қаражатты жымқырған қылмыстық топ ұсталды. Қостанай облысында «Жасыл ел» бағдарламасын пайдаланып 16 миллион теңге ұрламақшы болған бір топ азамат анықталды. Бұл мәліметтерді Экономикалық тергеу қызметі келтірді. Сондай-ақ, елімізде 70 мектеп, 80 балабақша немесе толық құрал-жабдықпен қамтылған 40 аурухана салынбай қалған. Басты себеп - әлеуметтік бағдарламаға бағытталған 151 миллиард теңгені қолды қылғандардың заңсыз әрекеті. Тергеу қызметі ауыр және аса ауыр қылмыстарды анықтау және тергеу бойынша жұмыс сапасын барынша арттырып келеді.