Қытайдан еліміздің 217 азаматы эвакуацияланды

Қытай астанасы Бейжіңнен еліміздің 217 азаматы эвакуацияланды. Бұл туралы Үкімет отырысында ҚР Денсаулық сақтау министрі Елжан Біртанов айтты.

«Бүгін таңғы сағат 06:05-те Бейжің қаласынан Қазақстанның 217 азаматы жеткізілді. Олардың барлығы қазір арнайы медициналық ұйымға орналастырылып жатыр. Араларында науқас адамдар тіркелген жоқ», - деді Елжан Біртанов.

Еске салайық, Қытайдағы қазақстандықтардың алғашқы легі 2 ақпанда жеткізілген еді. Ал 5 ақпанда Қазақстанның 8 азаматы Ухан қаласынан Ресей мен Өзбекстанға эвакуацияланды.