Коронавирус: Соңғы тәулікте індеттен 97 адам қайтыс болды

Қытайда коронавирустан қайтыс болғандардың саны 908-ге жетті, 40,1 мыңнан аса адам індет жұқтырған.

Бұған дейін 37,1 мың адамның ауруға шалдыққаны, 811 адамның қайтыс болғаны хабарланған еді. 

Гонконгта вирус жұқтырудың 36 оқиғасы анықталды (оның ішінде бір адам қайтыс болды), Макаода жұқтырғандар саны - 10 (олардың біреуі ауруханадан шығарылды), Тайванда 18 адам жұқтырды (олардың біреуі сауыққан).

Қазіргі уақытта науқастармен тығыз байланыста болған 187,5 мыңнан астам адам дәрігерлер бақылауында. 

Осылайша соңғы тәулікте 3062 жаңа жұқтыру оқиғасы анықталды, ауруханадан 632 адам шығарылды, 97 адам қайтыс болды. Ауыр халде жатқан науқастардың саны 296-ға өсті.

ria.ru