Тауарды сатқан кезде бағасын ұлттық валютада көрсетпегені үшін әкімшілік жауапкершілік енгізілді

Бүгін Мәжіліс жарнама мәселелері бойынша заң жобасын бірінші оқылымда мақұлдады. Сонымен қатар, жөн-жосықсыз берілген жарнама үшін, ұлттық аза тұту күндерiнде телерадиоарналарда жарнама берілсе, айыппұл салынады. Бұл салада әзірге нақты мемлекеттік реттеу жоқ, заңнама жетілдірілмегендіктен, жергілікті атқарушы органдардың құқық қолдану тәжірибесі әртүрлі, рұқсат беру мәселесі бір жүйеге келтірілмеген.

Жаңа құжатқа сәйкес, темекі және темекі бұйымдарына сұраныс пен қызығушылықты ынталандыруға бағытталған әртүрлі іс-шаралар, оның ішінде ұтыстар, лотереялар ойнату нысанындағы жарнамаға рұқсат жоқ. Ал, әлеуметтік жарнама 15 міндетті телерадиоарналарда ақысыз орналастырылады.

Индира БЕГАЙДАР