Жалған ақпаратпен бөліскендер қылмыстық жауапкершілікке тартылады

Жамбыл облысы Қордай ауданы Масаншы ауылында тұрғындар арасында топтық төбелес болды. Қақтығыс полицияның күшімен тоқтатылды, қазіргі кезде жағдай бақылауда. Осы іс бойынша Қылмыстық кодекстің 293-бабы бойынша сотқа дейінгі тергеу басталды. Қақтығысты бастаушылар мен қатысушылар анықталып жатыр. Полиция департаменті өңірдегі жағдайға байланысты азаматтардан тек ресми ақпаратқа сенуді және қауесет хабарламаларды таратпауды сұрайды.