Нұр-Сұлтан қаласында коммуналдық қызметтердің тарифтері қымбаттады

Нұр-Сұлтан қаласында коммуналдық қызметтердің тарифтері қымбаттады.

Мәселен, жылудың бағасы өткен жылға қарағанда орта есеппен 8 пайызға өскен. Ал судың құны 10 пайызға, яғни, 37 теңгеден 40 теңгеге көтерілген. Электр энергиясының бағасы 11 пайызға артқан. Бұл туралы Ұлттық экономика министрлігі табиғи монополияларды реттеу комитетінің басшысы айтты. Оның сөзінше, бұл бағалар 5 жыл бұрын жоспарланған межеден әлдеқайда төмен. Яғни тарифтер құнын негізсіз өсірмеу туралы елбасының тапсырмасына сай әр салаға шекті бағалар бекітілгені белгілі болды.

Амангелді СЕЙІТХАН