Елімізде төлемнің жаңа түрін енгізу бойынша келісім бекіді

Жұмысы бүгін басталған Астана экономикалық форум аясында «Мастеркард» компаниясының Ресей, Қазақстан, Беларусь және Армениядағы басшысы Алексей Малиновский мен «Астана» халықаралық қаржы орталығының басшысы Қайрат Келімбетов арасында тиісті құжатқа қол қойылды. Осы құжатқа сәйкес қолма-қол ақшасыз экономиканы дамыту және инновациялық төлем технологиясын енгізу жұмыстары атқарылады. Яғни, электронды ақшаның дәуірі басталады. Қазір ақшаның бұл түрі дамыған елдерде кеңінен тараған. Тіпті қалтасына қағаз ақша салып жүруді ұмытқан елдер де бар. Барлығы электронды күйде. Келер жылы жұмысын бастайтын «Астана» халықаралық қаржы орталығы осы жұмыстарды жүзеге асыра бастайды.   

Ғабит ҰЗАҚБАЙ