Араб Әмірліктерінің бизнесмендері Қазақстанға инвестиция құюға дайын

Араб Әмірліктерінің бизнесмендері Қазақстанға инвестиция құюға дайын. Бұл Қазақстан-Араб әмірліктері форумына келген шетелдік меймандардың ортақ пайымы. Басқосуға Әмірліктен 200-ге жуық ірі компания өкілдері келді. Арабтар Қазақстанның ауыл шаруашылығы мен азық-түлік өндірісіне қаржы құюға құлықты. Сондай-ақ, біздің елде өндіріс ашып, өз өнімдерін Қытай еліне экспорттауға мүдделі. Форум барысында тараптар түсіністік туралы меморандумға қол қойды. Қазіргі уақытта екі елдің бірлескен 500-ге жуық кәсіпорны бар. Дей тұрғанмен, арадағы алыс-беріс көлемі былтыр бар-жоғы 329 млн доллар болған. 

Ғабит БӨКЕНБАЙ