Түркістанда жемқорлыққа қарсы жиын өтті

Сыбайлас жемқорлыққа қарсы іс-қимыл агенттігінің жанынан құрылған Ақпараттық штабтың үгіт-насихат тобы Түркістанға барды. Облыс әкімдігінде жиын өткізген штаб мүшелері мемлекеттік қызметшілерге адалдық, парасат, әділдік турасында дәріс оқыды. Жемқорлықтан қоғам болып құтылудың амалдарын қарастырды.

Айта кетейік, былтыр Түркістан облысында жемқорлықтың 73 дерегі тіркелген. Ұсталғандардың 15-і қазына қаржысын жымқырды, ал 57-сі пара алды деп айыпталып отыр.

Гүлжазира ҒАЛИҚЫЗЫ