Қарағанды облысында боранда 50 адам түнде жолда қалған

Қарағанды облысында боран сейілмей тұр. Соған қарамастан сапарға шығып кеткен 50 адам түнде жолда қалған.Оның 4-уі бала. Абырой болғанда ешкім зардап шекпеді, төтенше жағдай қызметі оларды қауіпсіз жерге жеткізді.

Құтқару шаралары Жезқазған қаласы мен Бұқар жырау, Ұлытау, Ақтоғай, Қарқаралы аудандарында жүргізілген. Мәселен, қатты науқастанып қалған Тоғызқұдық ауылында тұратын 4 жасар бала аудандық ауруханаға жеткізілді. Ал қолы сынған Юбилейный ауылының тұрғынын құтқарушылар дереу Теміртаулық дәрігерлерге тапсырды. 

Руслан НҰРЛАНҰЛЫ