Боран болғанына қарамастан жолға шығып кетіп жатқандар азаяр емес

Ақмола облысында бірнеше күннен бері боран болғанына қарамастан жолға шығып кетіп жатқандар азаяр емес. Өткен тәулікте 300-ден астам адам құтқарылды. 378 адам уақытша жылыту орындарына жеткізілді. 100-ден астам көлік қар құрсауынан шығарылды. Әлі 91 техника қардың астында жатыр. Олардың барлығы Целиноград ауданында. Ерейментау және Целиноград аудандарында жағдай әлі де қиын. Сондықтан қосымша көмек жіберілді. Қазір облыс аумағында 200 техника жұмыс істеп жатыр. Бірнеше бағыт бойынша жолдар жабық.  

Ермек Елберген