Алматыда 2 милионнан астам адам МӘМС-ке тіркеліп үлгерді

Алматыда жыл басынан бері екі миллион он бес мың адам міндетті әлеуметтік медициналық сақтандыру жүйесіне тіркелген.

Бүгінде қалада тұрғындарға 271 емдеу ұйымы қызмет көрсетеді. Ал келісімшарттың жалпы сомасы 64,8 млрд теңгеге жеткен. 

Елдегі барлық азамат сақтандыру пакетін наурыз айының 31-не дейін пайдалана алады. Бұл – көпшіліктің жаңа жүйедегі артықшылықты сезініп, көріп-білуі үшін жасалған қадам. 

Сәуірдің бірінен бастап медициналық қызметті толық пайдаланғысы келетін науқастар міндетті түрде сақтандырылған болуы – шарт. 

Дәл қазір мегаполисте 48 мың тұрғынның әлі күнге дейін статусы анықталмаған.

Бауыржан ЖАҚСЫМБЕТ