Жаңалықтарды Telegram арнамыздан оқыңыз!Соңғы бір тәулікте Алматы облысы мен Алматы қаласында үш рет жер сілкінді. Алғашқы тербеліс жексенбі күні кешкі сағат 19.00 шамасында Алматы қаласында сезілді. Ал таңғы 02.57-де жер сілкінісі Алматы қаласынан 442 шақырым қашықтықта Алакөл ауданының аумағында тіркелді. Бұл зілзаланың магнитудасы 3,8 баллға жетті. Сондай-ақ бүгін күндізгі сағат 11.31-де Алматы қаласының солтүстік-шығысына қарай 231-ші шақырымда тағы бір жер сілкінісі болып, оның магнитудасы 4,7-ні құрады.
Зілзала ошағы Алматы облысының Текелі қаласы мен Рудничный елдімекендерінің қақ ортасында таулы аймақта тіркеліп отыр. Жер тербелісін Талдықорған қаласы маңындағы елдімекендер де сезген.
Қуаныш ҚАНАТҰЛЫ
