Жаңалықтарды Telegram арнамыздан оқыңыз!Өткен жылы тек Нұр-Сұлтан қаласының өзінде 653 өрт оқиғасы тіркеліп, 7 адам қайтыс болды. Айтып келмейтін апаттан халықты сақтандыру үшін Төтенше жағдайлар департаменті, жергілікті полиция қызметі және «Жас Отан» жастар қанатының волонтерлері үйлерді аралап, түсіндірме жұмыстарын жүргізді. Сақтық шараларды ескертті. Тілсіз жау, әсіресе, жеке тұрғын үй секторларында көп кездесетіндіктен, түтінді, улы газ шықса, бірден сезіп, дабыл қағатын арнайы қондырғылар орнатылды. Өткен жылы мұндай құрал 1000-ға жуық отбасыға беріліпті. Соның нәтижесінде бірнеше үй тілсіз жаудан аман қалды.
Раушан САЙЛАУҚЫЗЫ
