Ұшақ апатынан зардап шеккендердің жағдайы жақсы

Ұшақ апатынан зардап шегіп, емделіп жатқан науқастардың жағдайы қазір жақсы. Қалалық Денсаулық сақтау басқармасының мамандары осылай дейді.

Қайғылы оқиға болған күні ауруханаларға түскен 49 адамның бүгінде 25-і ем алуда. Олардың екеуі - бала. Қалғандары үйлеріне жіберілген. Мамандардың айтуынша, ем қабылдап жатқандардың жағдайы жақсы және оларға білікті мамандар кеңес беріп жатыр. Ал Нұр-Сұлтан қаласында ем қабылдап жатқан 4 науқастың бірі әлі де жан сақтау бөлімінде. Дегенмен оның да жағдайы күн сайын түзеліп келеді, дейді дәрігерлер.

Нұрхан Нұрланұлы