Мал ұрлығы ауыр қылмыстар санатына жатқызылды

Қылмыстық Кодекс бойынша енді мал ұрлығы ауыр қылмыстар санатында және бұдан былай мәселені татуласу арқылы шешуге болмайды.

Яғни, бұл қылмыс үшін ең жеңіл жаза — 3 мың айлық есептік көрсеткіш көлемінде айыппұл салу және 5 жылға бас бостандығынан айыру. Ал адамдар бірлесіп, алдын ала сөз байласып ұрлық жасағаны анықталса, олар 7 жылға дейін сотталады. Бірнеше мәрте қылмыс жасағандар, сондай-ақ, қораны бұзып кіргендер 10 жылға түрмеге қамалады. Ұйымдасқан қылмыстық топ құрып, ірі көлемде ұрлық жасағандар 12 жылға бас бостандығынан айырылады.

Амангелді СЕЙІТХАН