Қардың қалыңдығы 60 сантиметрге жетті

Қарағандыда 6 күн бойы толассыз жауған қардың қалыңдығы 60 сантимтерге жетті. Ұлпа қарды боран көтеріп, айналадағы ақтүтектен 39 жол апаты болды. Салдарынан 3 адам жарақат алды. Ал толассыз түскен қарды тазалағандар әбден титықтады. Қолына күрек ұстаған 200 ден аса жұмысшы өткен сәрсенбіден бері ұйқыны ұмытқан. Қала ішінде 150 коммуналдық техника тыным таппай жұмыс істеуде. Сонда да көше қардан тазаланар емес. Коммуналдық мекемедегілер қар тазалауға тұрғындардың өздері кедергі келтіріп жатқанына өкпелі. 

Руслан НҰРЛАНҰЛЫ