Алматы қаласын қалың қар басып, көлік қозғалысы қиындады

Алматыда қалың қар жауып, жұртты әбігерге салды. Екі күннен бері жауған қардың қалыңдығы 33 сантиметрге дейін жетсе, таулы аймақтарда 50 сантиметрден асқан.

Осыған байланысты қала әкімдігінің өкілдері дер кезінде қарды тазалап, көктайғақтың алдын алуға кірісті. Оған 563 техника мен 1500-ге жуық маман жұмылдырылған. Нәтижесінде қаладан 13 мың шаршы метр қар шығарылған. Сонымен қатар көктайғақтың алдын алу үшін қала көшелеріне 8 мың тоннадан астам материал себілген.

Нұрхан НҰРЛАНҰЛЫ