Азаматтарға көмек көрсететін әлеуметтік қор құрылады

Азаматтарға көмек көрсету бойынша Әлеуметтік қор құрылады. Оның мақсаты – атқарушы өндіріс тараптары болып саналатын әрі қиын әлеуметтік және қаржылық қиын жағдайдағы азаматтарға көмек көрсету. Бұл туралы мәжілісте өткен Үкімет сағатында Әділет министрі Марат Бекетаев айтты. Қордың бюджетін мүшелік жарна мен ерікті төлемдер есебінен Республикалық палата мүшелері қалыптастырады. Сондықтан қор қаржысы шектеулі. Қор жұмысын Палатаның қамқоршылық кеңесі қадағалайды. Және көмектің кімге жасалатынын да арнайы жасақталған комиссия мүшелері шешеді. Ал мүмкіндігі бола тұра төлемнен жалтарғандар үшін жаза қатаңдатыла түспек.

Оңғар АЛПЫСБАЙ