Алиментті енді ата-әжесі төлеуі мүмкін

Алименттен жалтарғандардың қарызы енді оның ата-анасынан өндірілуі мүмкін. Әділет министрі Марат Бекетаев осындай ұсыныстың бар екенін айтты. Мұндай тәсіл алимент өндіру бойынша әлемдік тәжірибені зерттеу кезінде Италияда бар екені анықталған. Оның үстіне борышкердің ата-анасы бала үшін бөтен емес – атасы мен әжесі. Министрдің айтуы бойынша бұл бастама қазақстанда енгізілсе, көкек әкелердің берешегін біршама қысқартар еді. Қазір еліміз бойынша 14 мыңнан астам адамның өз баласы алдында қарызы бар.

Оңғар АЛПЫСБАЙ