Таразда өңірлік жастар форумы өтті

«Сенім! Еңбек! Жетістік!». Жамбыл облысында осындай атаумен өңірлік жастар форумы өтуде. Жастар жылының өңірлік қорытынды шарасында құқық, экономика, психология, дін бағыттары бойынша семинарлар жоспарланған. Ал еліміздің түкпір-түкпірінен келген ерікті жастар өзара тәжірибе алмасады. Форумның алғашқы күнінде жұмыс тобы өңірде атқарылған шаруаны талқылап, алдағы «еріктілер» жылына дайындықты пысықтады. Білікті жас буынның басын қосқан бұл форум апта соңына дейін жалғаспақ.

Сәбит ӘЛДЕБАЙ