Атыраудағы Жайық өзенінде балық қырылып жатыр

Атыраудағы Жайық өзенінде тағы да балық қырылды. Бұл жолы су маржандарының өлекселері қала іргесінде орналасқан мұнай өңдеу зауытындағы сорғы стансасы маңынан табылды. Оқиға орнына барған арнайы комиссия судан өлі балықтарды шығарды. Мамандар олардың механикалық жарақаттан әрі браконьерлік ау құралдарынан қырылғанын айтып отыр. Еске сала кетейік, өткен жылдың желтоқсан айында Жайық өзенінде 110 тоннаға жуық балық қырылып қалған еді. Бұл қылмыстық іс әлі сотта қаралып жатыр.

Жандос ТЕМІРҒАЛИ