Мемлекеттік бағдарламамен ауыл тұрғындары баспаналы болды

«Нұрлы жер» бағдарламасының арқасында тек қалалықтар ғана емес, ауыл тұрғындары да баспаналы болып жатыр. Қостанай облысының Федоров ауданында 24 пәтерлік тұрғын үй пайдалануға берілді. Жоба құны - 167 млн теңге. Құрылыс биыл мамыр айында басталған. Жыл соңына жетпей жұмыс толық аяқталды. Нысанға жылу, су, кәріз жүйесі тартылды. Енді тек табиғи газбен қамту ғана қалды. Тұрғын үйдегі барлық пәтерлер екі бөлмелі, аумағы 50-52 шаршы метр шамасында. Федоров ауданында қазір 232 адам баспана кезегінде тұр. Жаңа үйдегі пәтерлер осы кезекке сәйкес бюджет қызметкерлері мен аз қамтылған отбасыларға берілді.

Дәуренбек ӘБДІБЕК