ЕЭО туралы шарттың талабы кей елдерде сақталмай отыр

Еуразиялық экономикалық одақ туралы шарттың талабы кей елдерде сақталмай отыр. Бұл туралы комиссия кеңесінің кезекті отырысында айтылды. Санкт-Петербургте бас қосқан сарапшылар осы және өзге де одаққа мүше елдер арасындағы өзекті мәселелерді талқылады. Айталық, Ресей Федерациясы жақында «Тұтынушылардың құқығын қорғау туралы» заң жобасына түзетулер енгізуді мақұлдады. Онда техникалық тауарларды сату кезінде ресейлік бағдарламалардың міндетті болуы жазылған. Яғни, бұдан былай Smart-tv функциясы бар барлық смартфондар мен компьютер, теледидарларда арнайы ресейлік бағдарламалар орнатылмаса, онда Федерация аумағында сатылуға тыйым салынады.

Әсима НҰРБАЙҚЫЗЫ