Қазақстан мен Біріккен Араб Әмірліктері арасындағы байланыс беки түспек

Қазақстан мен Біріккен Араб Әмірліктері арасындағы байланыс беки түспек. Елбасы Нұрсұлтан Назарбаев бүгін Қазақстандағы БАӘ төтенше және өкілетті елшісі Мұхаммед әл-Джабермен кездесті. Онда өзара тиімді ынтымақтастықты дамытып, мәдени байланыстарды кеңейтудің маңыздылығы сөз болды. Тұңғыш Президенттің сөзінше, екі ел арасында өте тығыз қарым-қатынас орнаған. Нәтижесінде біраз мәселе шешілді. Ал мәртебелі мейман Елбасын және Қазақ елін Тәуелсіздік күнімен құттықтап, ақжарма тілегін айтты. Сөз соңында дипломат Нұрсұлтан Назарбаевқа мәртебелі шейх Фатима бинт Мұхамед бин Заидтің гуманитарлық жобасы аясында жасалған «Бейбітшілік кілемін» табыстады.

Армангүл ТОҚТАМҰРАТ