Кәсібін дөңгеленткен кәсіпкер

Шығыс Қазақстан облысында шағын және орта кәсіпкерлік қарқынды дамып келеді. Мемлекеттік қолдаудың арқасында бизнесін бастағандардың бірі Тарбағатай ауданының тұрғыны – Нұрбану Батхолдина. Ол мемлекеттік бағдарлама бойынша төмен пайызбен несие алып, Қызыл Кесік ауылында шағын наубайхана ашты.

Қазір 2 ауылдасын жұмыспен қамтып отыр. Жалпы, елді мекен облыс орталығынан алыс, сондықтан нан өнімдерін өзге жақтан тасымалдау тұрғындарға қиынға соғатын. Іскер жанның айтуынша, қазір бизнестің кез-келген түрімен айналысуға мүмкіндік мол. Бұл ретте мемлекеттік бағдарламалар бойынша берілетін несиелердің де көмегі көп, тек ерінбей еңбек ету керек.

Берік КӨШЕРБАЙ