Еш жерде жарияланбаған құжаттар таныстырылды

Елбасының «Архив-2025» бағдарламасы аясында Орталық мемлекеттік архивте Ресейдің Мәскеу, Орынбор, Санкт-Петербор архивтерінен алынған, еш жерде жарияланбаған құжаттар көпшілікке таныстырылды.

Тәуелсіздік күніне орай өткен жиынға ҚР Мәдениет және спорт министрлігінің өкілдері, белгілі тарихшылар мен студенттер қатысып, арнайы ұйымдастырылған көрмені тамашалады. Сонымен қатар, «Национально-освободительное движение казахского народа в конце XVIII — начале ХХ веков» атты архив құжаттары кітабының тұсаукесері өтті. Аталған жинақта Сырым Датұлы, Кенесары хан туралы бұрын жарияланбаған құжаттар мен 1916 жылғы Ұлт-азаттық көтеріліске байланысты тың деректер бар.

Нұрхан НҰРЛАНҰЛЫ