Екібастұз жылу электр станциясы Қазақстанның қарамағына өтті

Екібастұз жылу электр станциясысының екіншісі толықтай Қазақстанның қарамағына өтті. «Самұрық-Қазына» қоры ресейлік компаниядан 25 миллион долларға акцияның 50 пайызын сатып алды. Бұл туралы баспасөз жиынында қордың басқарушы директоры Алмасадам Сатқалиев мәлімдеді. Оның сөзінше, мұндай шаралар Қазақстанның энергетикалық тәуелсіздігін арттыруға сеп болмақ. Сондай-ақ, ұлттық экономиканың өсуіне оң әсер етеді. Айта кетейік, Екібастұз жылу электр станциясының акциясы ресейлік «Интер РАО» энергетикалық компаниясына да тиесілі. Қос тарап 2005 жылдан бері бірге жұмыс істеп келеді.  

Фариза Мұсақызы