Қазақстан халқы Ассамблеясы челлендж бастады

Қазақстан халқы Ассамблеясы «Ұлы даланың ұлтаралық тілі» атты челлендж бастады. Шараның мақсаты – Мемлекет басшысының жолдауында айтылғандай қазақ тілінің аясын кеңейту. Осы челлендж арқылы басқа ұлттардың «мемлекеттік тілді» күнделікті өмірде қолданып жүргенін көрсету. Нұр-Сұлтанда өткен салтанатты жиынға қазақ тілінде еркін сөйлейтін 100-ден астам өзге ұлт өкілдері қатысты. Олар тілді қалай үйренгендерін айтып, ұлттық аспап домбырамен ән шырқап, күй тартты. Шара барысында мемлекеттік тілдің дамуына үлес қосып жүрген азаматтар президенттің «Алғыс хатымен» марапатталды.

Аманкелді СЕЙІТХАН