Халықаралық Агротехникалық саммит өтті

2022 жылға дейін ауыл шаруашылығындағы еңбек өнімділігін екі жарым есеге арттыру керек. Алматыда өткен халықаралық Агротехникалық саммитке келген ғалымдар осыны айтты.

Алқалы жиында 30-дан астам мемлекеттің білікті аграрлары ауыл шаруашылығындағы негізгі проблемаларды талқылады. Нақтырақ айтсақ, азық-түлік қауіпсіздігін қамтамасыз ету, өнімдердің сапасын арттырып, көбірек экспортқа шығару, сондай-ақ жер жетіспеушілігі мен өзге де өзекті мәселелер жөнінде пікір алмасты. Айта кетейік, қазір елімізде 200 мыңнан астам агроқұрылым, 187 мыңға жуық жеке қожалық бар. Дегенмен, көптеген шаруаның жер көлемі 10 гектардан аспайды. Сондықтан «Өндірістердің ауқымын кеңейтіп, оған жаңа технологияларды енгізу қажет», - дейді ғалымдар. 

Нұрхан НҰРЛАНҰЛЫ