Қазақстанға қаржы құятын инвесторларға 5 жылдық виза беріледі

Қазақстанға қаржы құятын инвесторларға 5 жылдық виза берілетін болды. Яғни, оларға «инвестициялық резидент» деген мәртебе беріледі. Бүгін мәжілістің жалпы отырысында «Астана» халықаралық қаржы орталығы туралы» заң жобасы қаралып, мақұлданды. Елімізге еркін кіріп-шығу құйылатын инвестицияның көлемін еселеп арттырады деп күтілуде. Дегенмен, «инвестициялық резидент» атану үшін Қазақстан Республикасының Конституциясына сәйкес бірнеше тексеруден сәтті өтуі керек. Оның үстіне инвестор өзінің қаржылық әлеуеті мықты екенін дәлелдеуі және біздің елден тапқан табысынан бюджетке салық төлеуге міндетті.

Оңғар АЛПЫСБАЙ