Бензин тапшылығы жойылады

Келер жылы қазақстандықтар АИ-92 бензинінен тапшылық көрмейді. Өйткені, еліміздегі мұнай өңдеу зауыттарын жаңғырту жұмыстары аяқталады. Ал, отандық зауыттар толығымен іске қосылған кезде дизель мен әуекеросинін импорттау тоқтатылып, керісінше, жанар-жағар май өнімдерін сырт елдерге экспорттай бастаймыз. Энергетика министрі Қанат Бозымбаев бүгінгі алқа отырысында осылайша, өз-өзімізді мұнай өнімдерімен толықтай қамтамасыз етуге уәде берді.