Алматы облысында ауылдарға газ берілді

Тұңғыш Президент күніне орай Алматы облысы, Қапшағай қаласының Заречное мен Арна елдімекеніне газ берілді. Көгілдір отынды көп жыл күтіп, енді қол жеткізген тұрғындардың қуанышында шек жоқ.

Заречное ауылында қазір 300-ге жуық жеке және 14 көп қабатты тұрғын үй бар. Халық саны 6 мыңнан асады. Жергілікті билік өкілдерінің сөзінше, газдандыру ісі 2015 жылы басталған. Газдың бір текше метрі – 29 теңге. Жалпы табиғи газ құбыры ауылдық округке түгел жеткізілді. Сонымен қатар, жергілікті жұртшылық жұмыс істейтін өндіріс орындарына газ тартылған. Бірнеше шағын ауданға толыққанды газ берілген.

Алмат ӘБДІРАМАН