Солтүстік Қазақстанда диқандар күні тойланды

Биыл Солтүстік Қазақстан облысында 5 миллион тоннадан астам астық орылды. Ауа райының қолайсыздығына қарамай гектар берекелілігі 18 центнерді құрады. Жалпы соңғы жылдары өңірде ауыл шаруашылығы саласы қарқынды дамып келеді. Тек биыл ғана 86 миллиард теңгеден астам инвестиция тартылып, әр маманның еңбек өнімділігі 2 есеге өсіп 2,7 миллион теңгеге жетті. Ауыл шаруашылығын әртараптандыру жұмыста да жақсы нәтиже беріп отыр. Биыл ғана облыста 20 мың гектар алқапқа соя егіліп, экспорттың үлесі артты. Жылдың жетістіктері мен жаңашылдықтары сала мамандары бас қосқан жиында көтеріліп, ерекше көзге түскен еңбеккерлер марапатталды. 

Сағындық СӘБИТҰЛЫ