Тараз мектебіндегі оқиғадан кейін жауаптыларды жазалау жалғасуда

Таразда мектеп ауласында болған оқиғадан кейін жауаптыларды жазалау әлі де жалғасып жатыр. Ішкі істер министрі Ерлан Тұрғымбаевтың бұйрығымен Тараз қалалық Полиция басқармасының бастығы Ардақ Мәдімаров қызметімен қоштасты. Ал облыстық Полиция департаментінің бастығы жұмысқа салғырттығы үшін ескерту алды. Жамбыл облыстық Полиция департаментінің баспасөз қызметі қандай да бір мағлұмат беруден бас тартты. Тараздағы №6 мектепте 7 сынып оқушысы даладағы әжетханаға барамын деп азғынның қолынан зорлық көрген еді. Қылмыскер із суытпай, екі сағатта ұсталған болатын. Оқыс оқиғадан кейін 14 лауазымды қызметкер жұмыстан кетті.

Сәбит ӘЛДЕБАЙ