Бұқар бұғыларын қайдан, қалай көреміз? Бұғышының бір күні

Түркістаннан 40 шақырым жерде Сырдариямен түйісетін түбек бар. Тораңғы мен жиде қаптаған сол түбекте бұқар бұғылары мекендейді. Қалың тоғайды жайлаған сол жануарларға жалғыз адам бас-көз болып отыр. 

Мұсахан Жүзеев – «Сырдария-Түркістан» өңірлік табиғи паркінде бұғы бағады. Қасына жан жуытпайтын, жабайы, өте сақ, аса кербез жануар оның қолынан жем жейді, су ішеді. Осы өңірдегі тілшіміз Гүлжазира Ғалиқызы бұғышының бір күнін көріп қайтты.