Гонконгтегі қазақстандық студенттер елге қайтып жатыр

Гонконгтегі осы жағдайға байланысты сыртқы істер министрлігі қазақстандық студенттерді елге оралуға шақырып отыр. Қазір ондағы бірқатар университеттер екінші семестрге дейін, яғни қаңтар айына дейін жұмысын тоқтатуды жөн көрген. Кейбіреулері қашықтықтан онлайн оқуға көшкен. Бүгінгі таңда 118 студент қайтып келді. Жақын күндері тағы 40-қа жуық студентті қайтару жоспарланып отыр. Гонконгтегі бас консулдық пен студенттер қауымдастығы бірлесіп сол елде білім алып жатқан азаматтарды жинап, әуежайға дейін тасымалдау жұмыстарын жүргізіп жатыр.

Шерхан ЖАМБЫЛҰЛЫ