Жаңалықтарды Telegram арнамыздан оқыңыз!Алматыда суық судың тарифі алдағы бес жылға дейін өзгермейді. Бұл жөнінде «Алматы су» мемлекеттік коммуналдық мекемесінің өкілдері айтты.
Су бағасы соңғы рет бес жыл бұрын көтерілген. Содан бері тұтынушылар 1 куб тіршілік нәрі үшін айына 50 теңге төлеп отыр. «Алдағы уақытта да бағаны көтеру жоспарда жоқ», - дейді мамандар.
Дегенмен олар Табиғи монополияларды реттеу агенттігінің қызметкерлеріне кәріз қызметінің тарифін 25 теңгеден 33 теңгеге көтеру керектігін айтқан. Алайда бұл ұсынысты сарапшылар алдағы бір ай көлемінде зерттеп, содан кейін шешім қабылдамақ.
Нұрхан Нұрланұлы
