Көкшетауда көше атаулары өзгереді

Көкшетауда Төле, Қазыбек, Әйтеке билердің көшелері пайда болмақ. Қалада көше аттарын өзгертуге арналған қоғамдық тыңдау өтті. Атауы идеологиялық тұрғыдан ескірген 50-ден астам көше алдағы уақытта жаңарады. Жаңа атаулардың қатарында Мұстафа Шоқай, Сәбит Мұқанов, Әміре Қашаубаев, Талғат Бигелдинов, Әлия Молдағұлова, Сағадат Нұрмағамбетов, Шәмші Қалдаяқов есімдері бар. 

Бірнеше шағын ауданның да атауы өзгереді. Боровской - Бурабай, Юбилейный - Самұрық, Центральный - әл-Фараби, Васильковский - Тұран болып ауысады. Сондай-ақ осы уақытқа дейін ресми атауы болмаған екі аудан Жеке батыр және Құлагер деп аталады.

Ермек Елберген