Гонконгтағы шеру кезінде журналистер зардап шекті

Гонконгта наразылық акциясы барысындағы қақтығыстарда журналистер де зардап шекті. Олардың ішінде шетелдік БАҚ өкілдері де бар. Полиция оларға бұрыш шашып, таяқпен ұрған. Соның салдарынан, ақпарат мамандарына жедел медициналық көмек қажет болды.

Соңғы уақыттарда Гонконгтағы жаппай тәртіпсіздіктер тіптен өршіп барады. Оны тыю үшін полиция да озбырлық танытып, күш қолдануға көшті. Демалыстағы шеруде қауіпсіздік күштері демонстранттарға қарсы көз жасаурататын газ, резеңке оқтар мен су атқыштарды қолданған. Бұған манифестанттар шаубылмен жауап қайтарып, 12 тәртіп сақшысы жараланды. Сонымен қатар, 14-тен 54 жасқа дейінгі 300-ден астам адам тұтқындалған.

Жансая Қапасқызы