Сенат депутаттары сенбілікке шықты

Дариға Назарбаева бастаған жоғарғы палата өкілдері елордада Мәңгілік ел және Ұлы дала көшелерінің қиылысында 150-ден астам қарағай және шырша көшеттерін отырғызды. Жалпыхалықтық сенбілікке қала әкімі Алтай Көлгінов те белсене қатысты. 

Қолдарына күрек ұстап, қара жұмыс істеу депутаттарға таңсық емес. Олар жылына 2 рет дәстүрлі түрде қаланы тазалау және көгалдандыру жұмыстарына қатысып тұрады. 

Дана Нұржігіт, ҚР Парламенті Сенатының депутаты:

Ұжыммен бірігіп, жұмыс істеп қаланы көгалдандыру жұмысына өзімнің үлесімді қосып жатқаныма мен қуаныштымын. Бұл бір жағынан спорт, бір жағынан тимбилдинг, бір жағынан қаланың көркін келтіретін, өте берекелі іс-шара деп айтар едім.

Оңғар Алпысбайұлы