Қазақ тілін үйренушілер қатары көбейген

«Қазақ тілін оқыту әдістемесі». Елордада осы мәселеге арналған ғылыми-тәжірибелік конференция өтіп жатыр. Шараның түп төркіні қазақ тілінің мәртебесін көтеру, оның қолданыс аясын кеңейту ісіне арналған. Оған тіл мәселесіне үн қосып жүрген лингвист, филолог ғалымдар қатысты. Жиында тілді оқыту барысында туындайтын түйткілді мәселелер қаралды. Мәселен, өзге ұлт өкіліне қазақ тілін үйретудің өзіндік жүйесі қалыптасқан. Ал, қазақтардың өз ішінде мемлекеттік тілді меңгермеген азаматтарға үйретудің жаңа методикасы талқыға түсті. Шара Нұр-Сұлтан қаласында «Тіл фестивалі» айлығы аясында ұйымдастырылды.